ચેક રિટર્ન કેસમાં આરોપીને બે વર્ષની સાદી કેદ તથા રુ.40 હજારનો દંડ

ટાઈમ્સ ઑફ સાબરકાંઠા : ભરત ચૌહાણ 

આરોપી મકવાણા મુકેશભાઈ ભગાભાઈ, મુ.સેબલવટ, તા.ખેડબ્રહ્માએ ફરીયાદી અતુલકુમાર હિરાલાલ રાજગોર  પાસેથી મિત્રતાના લીધે રૂા.૪૦,૦૦૦/– ઉછીના લીધેલા હતા, આ હાથ ઉછીની રકમ પરત કરવા આરોપી મુકેશભાઈ ભગાભાઈ મકવાણાએ ફરિયાદી અતુલકુમાર હિરાલાલ રાજગોરને ધી સાબરકાંઠા જીલ્લા મધ્યસ્થ સહકારી બેંક લી.,ખેડબ્રહ્મા શાખા નો, તા.૨૮/૦૩/૨૦૨૩ ના રોજનો આરોપીના સંયુકત ખાતાનો, રૂા.૪૦,૦૦૦/- અંકે રૂપિયા ચાલીસ હજાર પુરાની રકમનો ચેક આપેલ.

આ ચેક ફરીયાદી અતુલકુમાર હિરાલાલ રાજગોરે બેંકના ખાતામાં ભરતા આરોપી મુકેશભાઈ ભગાભાઈ મકવાણાના ખાતામાં ચેકની રકમ જેટલું જરૂરી ભંડોળ ન હોઈ સદર ચેક સ્વિકારાયા વગર પરત ફર્યો હતો. જેથી ફરીયાદી અતુલ રાજગોરે આરોપી મુકેશભાઈ ભગાભાઈ મકવાણા વિરૂધ્ધ ખેડબ્રહ્મા કોર્ટમાં ફોજદારી કેસ નં.૯૮૦/૨૦૨૩ થી ધી નેગોશીએબલ ઈન્સ્ટ્રુમેન્ટ એકટની કલમ-૧૩૮ મુજબની ચેક રીટર્નની ફરીયાદ દાખલ કરી હતી.

જે કેસ ખેડબ્રહ્માના એડિશનલ ચીફ જયુડિશીયલ મેજીસ્ટ્રેટની કોર્ટમાં ચાલી જતા ફરીયાદીના વકીલની દલીલોને નામદાર કોર્ટે ગ્રાહય રાખી આ કેસમાં આરોપીને કસુરવાર ઠરાવી બે વર્ષની સાદી કેદ અને રુ.૪૦ હજાર રૂપિયાનો દંડ ચુકવવવાનો હુકમ કર્યો છે અને આરોપી દંડની રકમ ભરવામાં કસુર થાય તો વધુ ચાર માસની કેદની સજા ભોગવવાનો પણ હુકમ કર્યો છે.